لذلك أعلن محمد البرادعي رئيساً للجمهورية

لأنه يمتلك تواضــع العلمـــاء

و اعتزاز المصريين بأنفسهم

وضمير من يخشى الله

لأنه أدار أخطر ملفات الكرة الأرضية .. ملف الطاقة الذرية

لأنه على صلة بكثير من الرؤساء بحكم منصبه

عاش ثلاثين عاماً خارج مصر .. يعرف معنى الحرية والنظام وقيمة العلم

على دراية بأهمية البحث العلمي .. وقادر على تطوير نظام التعليم

لأنه ليس ذلك العالم المنكفيء على الميكرسكوب منذ قرون .. بل هو الرجل المثقف والمهتم بأخبار وطنه

لأن عنده من المروءة ما أهله ليقول لا في وجه الغطرسة الأمريكية .. وينال بذلك عن جدارة نوبـل في السلام

أي عنده من الإباء ما افتقده آخرون

أتمنى أن يحييني الله .. لأنتخب البرادعي في الانتخابات الرئاسية القادمة

وأشارك في صناعة تاريخ مصري أكثر نقاءً

Support on Facebook

http://www.facebook.com/group.php?gid=160067704660&ref=mf

13 thoughts on “لذلك أعلن محمد البرادعي رئيساً للجمهورية

  1. jamayka says:

    كل ده جميل ياخالد

    بس انت ما نسيتش حاجة ؟

    هل يملك الجرأة انه يرشح نفسه اصلا ؟

    انا لا اعتقد ذلك
    :)

  2. لى رأى ..لماذا نستبق الأحداث؟
    لماذا كل يوم نضع قائمة و نضيف اليها أسماء جديدة؟
    لنحلم الآن أن يكون القادم أفضل..يكون فيه كل ما نتمنى من الصفات الحميدة و لديه من التجارب و الخبرات ما يمكنه من تولى الأمور بحكمة!
    و حينما يأتى الأوان لنقول كلمتنا فلنختار الأفضل أيا كان!

    • anakhaled says:

      أولا أي دولة محترمة يا داليا بتبدأ في عرض برامج المرشحين قبلها بسنتين ع الأقل

      ثانيا الشروط التعجيزية اللي دخلت في التعديلات الدستورية متفصلة على جمال .. من ضمن الشروط مثلا إن المرشح يكون مر على وجوده في حزب ما سنة ع الأقل .. ويكون مر على إنشاء الحزب 4 سنين .. ومفيش غير 4 أحزاب بس بتنطبق عليها الشرط ده

      لو استنينا يا داليا مش هيبقا فيه حد مرشح غير جمال مبارك .. لازم من دلوقت نجهز بديل

  3. eslam shaaban says:

    قبل ان اقرأ هذه الكلمات كنت احسبه أداة فى ايدى الامريكان و اعوانهم ممن يتحكمون فى مسار الطاقة النووية و الذين يحددون من له الحق فى امتلاك مثل هذه الاسلحة الفتاكة و اريد ان اسألك سؤالا من اين اتيت بهذه الصفات التى وصفته بها و هل من دليل على هذه الصفات
    هذا السؤال لأنى لا أعرف حقا و أريد أن أعرف حقيقة هذا الرجل

    • anakhaled says:

      أدخل على لينك الجروب
      اللي في آخر البوست

      أقـرأ
      Information ع الشمال
      هتلاقي سي في ولا سي في عمرو صبحي :D

      الفرق بين البرادعي وجمال ..
      ان جمال اقصى مشكلة قابلها كانت انه ازاي هينادي وزراء باباه بعد ما كان متعود يقول لهم يا أونكل _ على رأي ابراهيم عيسى !

  4. معاك..
    هم عملوا زى اللى حصل فى سوريا بعد وفاة حافظ الاسد لما عدلوا سن تولى الرئاسة عشان بشار!
    اللى اقصده هل البرادعى تنطبق عليه هذه المواصفات الدستورية؟
    هل عمرو موسى تنطبق عليه؟
    هى مش معضلة..بالنسبة لحد محنك زيهم..بس المهم يكون عندهم استعداد و يبداوا ياخدوا خطوات..و ميبقاش كلامنا مجرد أمل بنرسمه لبكرة!

    • anakhaled says:

      ده جزء من المقال كنت شيلته لانه مش متناغم مع الفكرة العامة للبوست :D

      هناك سؤال صعب
      هل يستطيع د. محمد أن يجتاز الشروط التعجيزية في مواد الدستور لكي يستطيع الترشح للرئاسة ؟؟
      الإجابة ببساطة : نعم وبكل سهولة
      فياله من عار على نواب المحليات أن يرى أحدٌ منهم عدم صلاحية د. محمد للترشح
      لاحظ أنهم يصدقون على صلاحية المواطن المتقدم للرئاسة .. لا على رأيهم الشخصي في قبوله أو لا

      أما عن رغبته في الترشح
      فده للاسف زي ما بتقولي أمل ..
      أتمنى انه يحس ان ده واجب عليه مش تشريف

  5. manmom says:

    طب هو مينفعش عمرو موسى يرشح نفسه؟ :D
    بجد والله.. فعلا بحسه من الشخصيات اللى قرارتها حكيمه بجد

    • anakhaled says:

      بصي يا منى .. أي مصري عشان تنطبق عليه شروط الدستور
      لازم يكون قد مر علي انضمامه لحزب سنة على الأقل
      ولازم الحزب ده يكون مر على انشاؤه 4 سنين
      وشروط أخرى

      أنـا شايف ان عمرو موسى من نفس وسط مبارك .. نفس الفكر القديم
      وينادي به الكثير من الأصوات التي شاخت وعفى عليها الزمن
      احنا عايزين تغيير يا منى
      عايزين عالم مش ظابط

      وعلى كل .. بصراحة اي حد غير جمال مبارك ممكن يخليني انام مرتاح

  6. amira says:

    تعرف انى وكتير من اصحابى واللى اعرفم عندنا نفس الامنيه دى ل دكتور محمد البرادعى
    (حد على درايه حقيقيه بالبحث العلمى وكمان مهتم بالسياسه )
    ده اللى بنتمناه بجانب صفات اخرى فى رأينا أنها موجوده عند الدكتور

    يعنى الواضح ان ده مطلب من كتير من الأشخاص أو يمكن بس توارد أفكار…..الله أعلم

    المهم ان محدش من اصدقاء (أنكل جمال )يكون بيقرأ مدونتك
    عشان يكون فى أمل ان دكتور محمد يفضل عايش لحد وقت الأنتخابات الرئاسيه القادمه

  7. shafeyyyy says:

    انا خايف يكون البرادعى اتحرق خلاص…….ايه رايك؟؟؟
    والله انا حزعل لانى فعلا الفترة الاخيرة دى اقتنعت بى لحد كبير

    • anakhaled says:

      لأ .. لسه بدري على الكلام ده
      الراجل ده مش سهل .. هيقدر يعمل حاجة ان شاء الله

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s