نظرية (البلح) تثبت نجاحاً مع الناشئين

صرح مصدر ( غير مسئول ) أن النظرية تثبت نجاحاً مع الناشئين ..  وأنباء عن العثور على نصوص فرعونية تثبت وجود النظرية منذ العهد الفرعوني ضمن الوصايا ( الغير رسمية ) للحكيم إيموحتب

إستعراض

إذا وقف شاب أخضر العود والفؤاد

تحت نخلة مهيبة

وتأمل بلحة

واشتهاها

والعشق حلال

فـ قرر الوصول للبلحة .. ما هي الحلول

له الحق في إنه يفضل يحدّف طوب لحد ما .. كتفه يتخلع أو طوبة م الطوب تقع على نافوخه

ممكن يستنى الجنايني يجي يجيب له البلحة .. ودي مسألة قدرية بحتة فلربما جاء ولربما ( قيّل الجنايني شوية ) ريح مراته

ممكن تستنى البلحة تستوي وتقع على الأرض .. وساعتها هتاخدها وتنضفها .. هي هتبقى مش نضيفة شوية .. بس إنت هتغسلها وهتعصر على نفسك ليمونة .. وتاكلهـا

وأنـا أقول له

يا ناشيء .. لماذا التعب

إذهب إلى أقرب فكهاني .. واشتري كيلو بلح

وإذا لم يكن في استطاعتك الباءة فخطؤك أنك اشتهيت

***

تأملات على هامش النظرية

إذا قررت أن تتحدى أمواج القدر .. وقررت أن تحب

فهذه خياراتك أن تحاول مراراً لتكسب قلبها .. وهذا سيفضي إلى افتقادك بعض كرامتك .. أو وجع النهاية

ومن الممكن أن تسقط هي في حبك وتأتي إليك لتلمح أو تصرح بحبها .. بدون أن تتكبد أنت عناء المحاولة وبدون أن تشعر بلذة أنها فتاة مستحيلة .. الأمر الذي سيجعلها (بلحة على الأرض) تحتاج أن تغسلها وتأكلها على مضض

وإما أن تدعو الله أن يكون قدرك أن تحبك هي الأخرى بدون عناء .. و حينها ستكون ممن اصطفاهم الله للحب

والعقل يقول

يا ناشيء لماذا التعب

إدخل البيت من بابه .. وإذا لم يكن في استطاعتك الباءة فخطؤك أنك اشتهيت

***

استنتاج : لا ضمانات في الحب

حكــمة : أوَكلما اشتهيت .. اشتريت ؟

عــزاء : أنـا اللي بالأمر المحال اغتوى

شفت القمر نطيت لفوق في الهوا

طلته .. ما طلتوش .. إيه انا يهمني ؟

وليه .. مادام بالنشوة قلبي ارتوى

وعجبي !!

12 thoughts on “نظرية (البلح) تثبت نجاحاً مع الناشئين

  1. وأنا أقول لك ياناشئ
    لماذا التعب

    ده العتبة جزاز والسلم نايلو ف نايلو !
    :D

    معجب بنظرية البلح والناشئ

  2. manmom says:

    طب أنا برضو مش فاهمه هو انه مبدأ اللى صح؟
    هى الدنيا ضلمه قوى كده يعنى…ننتحر وخلاص :(

    • anakhaled says:

      استهدي بالله ..
      وخدي الموضوع ببساطة شوية يا منى
      وحب كأنك حلم معدي !

      • manmom says:

        لا اله الا الله…
        انا مش متعصبه والله :D
        بس انا فعلا مبقتش عارفه انه مبدا اللى صح…حاسه كمان ان فى اوبشنات تانيه :)

  3. eslam shaaban says:

    يبقى السؤال : هو الواحد بايده يحب او ميحبش ؟؟
    انا شايف والله اعلم ان دى حاجة “ربانى” و ساعتها المفروض الواحد يدعى عشان يكون الخيار الثالث من نصيبه وهو ان تحبه هى الاخرى و يكون ممن اصطفاهم الله للحب

    و سؤال تانى كمان اللى حب ياعينى ولا طالش يعمل ايه اذا لم يستطع الباءة ؟؟!!!!!!!!

    • ارد عليك ياواد ياناشئ يا إسلام
      المشكلة مش في الحب ؟
      المشكلة في مابعد الحب ، وما بعد الحب ومابعد الحب !

      الناس تنظر للحب والزواج على انها نقطة النهاية ، وهي في الأصل حلقة مفرغة متشابكة مع حلقات أخرى أكثر فراغاً !

      ولا تنسى .. العتبة جزاز .. والسلم نايلو ف نايلو ..

      • anakhaled says:

        انا كنت رديت على اسلام .. بس واضح ان النت كان فصل .. عذرا ع التأخير يا سولوم

        سمعت من عمرو رأي المجرب .. خد بقا عندك رأي الطبيب

        لازم يا سولوم الواحد يعمل كونترول على مشاعره .. ومن ميكانزماته غض البصر .. طيب فرضا ان انت وقعت خلاص .. اوعى تصرح او تروح البيت الا وانت جاهز وحالتك ألسطه

        غير كدا يبقا تحالى لحمو يا حبيبي ..
        اقعد ع المسطبة ريح اخوك خالد واخوك عمرو !

  4. pharmacy tanta says:

    وإذا لم يكن في استطاعتك الباءة فخطؤك أنك اشتهيت
    الله الله
    عجبانى النظري دى يا فنان
    وعلى راى اللى قالوا اللى ميعرفشى مسيره يعرفه

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s