عن كلمات الله .. وجزار الحتـة

علاقة الشعب المصري بالتدين علاقـة أزليـة .. يذكر أن الاسكندر الأكبر حينما حاول اكتساب تعاطف المصريين قام بزيارة معبد آمون بواحة سيوة .. فـأطلقوا حينها عليه ابن آمون .. أيضـاً لأن أوباما متنبه إلى هذه النقطة .. فعل كما فعل الاسكندر الاكبر .. وقرر زيارة الأزهر الشريف والقاء خطابه من القاهرة..

جدار بسيط كتب عليه (حج مبرور و ذنب مغفور) .. ورسمت عليه صورة الكعبة الشريفة .. الصفحة الأولى في كراسة أي طالب مصري (وقل ربّ زدني علمـاً .. ) .. محلات عصير القصب و ( وسقاهم ربهم شراباً طهورا) .. سيارات النقل و ( هذا من فضل ربي ..) ناهيك عن بعض العبارات الأخرى التي لا تمس التدين

.

أذكر جيداً درس قراءة كان يقول أن : الشعب المصري شعب متدين .. فهو يقول (إن شاء الله ..) .. وإذا سأله أحد عن أحواله يقول : (الحمد لله ..) .. وكثير من هذا الحشو المدرسي

وهنـا أخطأ كاتب الدرس في التفريق بين التدين ومظاهر التدين .. أنا أرى أن الشعب المصري حريص على هذه العبارات لاستحضار البركة أو ما شابه .. فما غاية سائق الأجرة من أن يبدأ دور الاستفتاح بشريط قرآن إلا كنوع من أنواع التبرك .. حيث يجهر بعدها الكاسيت بـ ( شيطان وقال للعبد .. من خيبتك جرجرتك .. شحتفتك خدرتك ) لزوم السلطنـة وهذه ليست أغنية دينية كما يبدو .. وما غاية جزار الحتة في تركيب صورة له مع الكعبة المشرفة رغم إنه طول النهار منكفيء على (البوري) بيعمّر ويشد ؟

حاجة المصري بمختلف توجهاته إلى قوة تصلب له ضهره هو ما يدفعه للتمسك بمظاهر التدين .. و لخلل ما في التفكير يبتعد عن جوهر التدين

10 thoughts on “عن كلمات الله .. وجزار الحتـة

  1. lioromio says:

    إن الدين بيندمج ليظل جزء من عاداتك ..بعد شوية يتنسي الدين ويبقى الجزء اللي اندمج .. اللي هوّا العادة .. ولأن الناس بقت علمانية الطباع .. بيمارسوا الدين بالحد اللي يسمحلهم بانهم يحافظوا على الحاجات التانية ..

    المصريين بيحبوا التدين والأديان .. معاك ..

    وعشان ضهرهم مقطوم ..بيدوروا على حاجة يتسندوا عليها بردو معاك ..

    صباح الفل يا عم الحج .. وكل جمعة وانتا طيب

    • anakhaled says:

      صباح الورد يا ليو يا جميل .. ربنا يتقبل

      تفسيرك معقول جداً

  2. موضوع حلو اوى يا دكتور واسلوب متميز اوى بجد ربنا يوفقك……
    بس ممكن منخصش المصرى لان اعتقد ان ده حال البنى ادمين كلهم(المسلمين طبعا) فى اى مكان لان البنى ادم بطبعه طماع…..الا من رحم ربى
    تقبل مرورى :)

    • ممم قصدى اننا كلنا ممكن بنتجه لربنا نطلب الرزق والبركة فى يومنا حتى ولو بجمل عابرة فى حياتنا بس النفس بقى امارة بالسوء…. ربنا يهدينا

    • anakhaled says:

      شكرا يا فندم .. منورة البلوج

      عارفة انا دايما ضد اتهام الشعب المصري .. و اكتر حاجة بكرهها ان واحد يتنك ع الكرسي كدا
      ويقول (اسوأ حاجة في الشعب المصري .. ) ويقعد يفتي

      لكن بخصوص التدين ومظاهر التدين ..
      فعلا ربنا قدر لي الاختلاط باكتر من جنسية ..
      ملقيتش دا موجود غير في الانسان المصري ..
      يعني في السعودية مثلا .. اما الانسان شديد التقوى .. او شديد الفجور مفيش وسط

      كان فيه مدرس مصري كان أستاذي في السعودية ..
      كان بيقول ان الانسان المصري هو الانسان الوحيد اللي يفتح التليفزيون ..
      لو لقى الشيخ عبد الباسط يقعد يسمع بانصات .. ولو لقى ام كلثوم يقعد يسمع بانصات بردو

      التناقضات فعلا مش موجودة غير في الشعب المصري .. ودي ميزة
      لكن بردو نحتاج للتفريق بين التدين ومظاهرة .. من خلال العلم

  3. NOTHIN' says:

    مرسى يا دكتور:)
    و اكتر حاجة بكرهها ان واحد يتنك ع الكرسي كدا
    ويقول (اسوأ حاجة في الشعب المصري .. ) ويقعد يفتي
    :D بالظبط
    كويس ان حضرتك فهمت قصدى فعلا طريقة الكتاب دى هى اللى بتضايقنى واعتقد ان اسلوب النقض بتريقة ده مبقاش يعمل حاجة الا اننا بنضحك على نفسنا.. والكاتب بيحسسنى انه مش مصرى طيب ما يعمل حاجة احسن من التريقة او يشجع الشباب مثلا على انهم يغيروا حياتهم,الناس بقت مستمتعة بكده وطريقة النقض دى معملتش حاجة الا انها طلعت صورتنا وحشة جدا قدام اى دولة تانية
    والناس عالفيس بقت تصور اى مظهر مش حضارى فى مصر وتحطه وتضحك عليه طب وبعدين
    !!!!!
    بصراحة انا مش بلوم على الشعب فى حاجة….اناعارفة اننا المفروض نعمل كتير بس اللى الشعب شافه من ظلم اكتر ويخليه يعمل اكتر من كده يعنى الموضوع اكبر من مجرد تناقضات موجوده جوانا
    يعنى الحمد لله ان احنا لسه عندنا الوسط:) وكويس ان حتى العبارات دى لسه متمسكين بيها
    انا مش بنتقض حضرتك فى التوبيك خالص وعارفة ان قصدك منه انك توصل حاجة معينة,بس بوصل لحضرتك رايى بس فى اللى بيحصل
    سورى انا طولت على حضرتك وتقبل مرورى مره تانية
    :)

  4. sara says:

    msh 3arfa htsad2 wla l2 bs enta 2olt nfs fekrty bl 7arf 3n 3laket el mogtam3 el masry bl deen w ka2nk d5lt goa 32ly msh 2adra a2olk 8eer…..rbna yofa2ak w esm7ly akoon saddeka l ash3arak w ma tktboh…

    • anakhaled says:

      شكرا يا سارة ويارب قعلا تفضلي متابعة أي بوست جدبد أنشره .. شكرا مرة تانية :)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s